E-resept i heile landet

Vågsøy kommune - Klikk for stort bilete E-resept er snart innført i heile Noreg. Tysdag 5. februar startar dei siste tre fylka: Sogn og Fjordane, Oppland og Hedmark.

Alle apotek i desse fylka kan ekspedere e-reseptar frå denne datoen.

Auka sikkerheit

At e-resept snart er innført i heile landet, er eit løft for pasientsikkerheita.

  • E-resept gir nedgang i fara for feilmedisinering, feilutlevering og uheldeg kombinasjon av legemiddel, seier avdelingsdirektør Anne-Lise Härter i Helsedirektoratet. E-resept gjer også kvardagen enklare for befolkninga, legar, apotek og bandasjistar.

 

Fordi apotek og bandasjistar hentar resepten frå ein sentral database, er det vesentleg vanskelegare å forfalske ein e-resept enn ein papirresept.

Med e-resept lanserast ei ny sjølvbetjeningsteneste på nett: Mine reseptar. Ho gir god oversikt over gyldige e-reseptar. Ein kan også få oversikt ved å be om utskrift på apoteket eller hos legen.

Fakta om e-resept

  • Frå 5. februar er e-resept innført i alle kommunar.
  • Alle apotek og dei fleste bandasjistar kan ekspedere e-reseptar.
  • Apotek og bandasjistar ekspederer også gyldige papirreseptar.
  • Legen sender resepten elektronisk til ein sentral database: Reseptformidlaren.
  • Du får vara utlevert ved å oppgi fødselsnummer eller namn og fødselsdato.
  • Helsedirektoratet har leia prosessen med nasjonal innføring av e-resept, i samarbeid med Apotekforeininga, apotekkjeidane og IT-leverandørar.
  • Dei regionale helseføretaka arbeidar for at også sjukehuslegar skal kunne ta i bruk e-resept. For tida går det ein pilot ved Haukland sjukehus og Helse Vest har bestemt at dei skal innføre e-resept i heile regionen. Helse Nord planlegg pilot til hausten og innføring i 2014.

 

Meir informasjon finns på eresept.no og helsenorge.no.

Publisert av Tor Einar Andersen. Sist endra 05.02.2013
a - a - a
Facebook Facebook
Fiks Gata Mi Fiks Gata Mi
Måløy kino Måløy kino
Måløy legekontor Måløy legekontor
Måløy Vekst Måløy Vekst
Nordfjordhallen Nordfjordhallen
Kinn kommune Kinn kommune
Opplev Måløy Opplev Måløy
UNG i Vågsøy UNG i Vågsøy
Vågsøy folkebibliotek Vågsøy folkebibliotek
Vågsøy frivilligsentral Vågsøy frivilligsentral
     
Vågsøy kommune - Gate 1 120 - Postboks 294 - 6701 Måløy - post@vagsoy.kommune.no
Login for redigering